Books 

Emotional Self-Help Resources - comic, chart, booklets :
Għodda biex titqawwa f'każ ta' sentimenti tqal :
​Ktieb ġdid bl-isem ta’ Phoenix Rising – Starting over after domestic violence. Dan huwa ktieb dwar il-vjaġġ li nisa li jkunu ġarrbu vjolenza domestika u qed jibnu ħajjithom mill-ġdid (survivor) ikollhom jgħaddu minnu wara li jaħarbu mis-sieħeb vjolenti tagħhom. Il-ktieb huwa riċerkat u miktub minn nisa survivors stess.
Bis-saħħa ta’ fondi li nkisbu mill-Premju tal-President għall-Kreattività, li huwa mmaniġġjat mal-Kunsill Malti għall-Arti, din il-pubblikazzjoni hija l-għeluq ta’ proġett usa’ My Survival, My Experience.
Id-disa’ kapitli ta’ dan il-ktieb jiftħu tieqa fuq id-dinja turbulenti ta’ vjolenza u manipulazzjoni, u l-isforzi kbar kontra l-oppressjoni u d-disprament. Il-kapitli jinkludu ħames dokumenti ta’ riċerka kwalitattiva ma’ tnejn u għoxrin mara li għelbu l-vjolenza, u rendikont tal-esperjenza kollettiva tagħhom. Il-pubblikazzjoni tiddiskuti temi komuni bħall-esperjenzi fl-għases tal-pulizija, l-esperjenzi fil-Qrati, xi jfisser li mara bit-tfal tispiċċa barra minn darha u bla saqaf, u l-effetti tal-vjolenza ekonomika, tal-medjazzjoni u tas-separazzjoni  fuq in-nisa survivors. Il-kapitlu tal-aħħar  jinkludi rakkomandazzjonijiet għall-prattiċi aħjar li ħarġu mill-Konferenza Nazzjonali tas-Servizz SOAR tal-Fondazzjoni, li saret f'Diċembru 2015.
 
Phoenix Rising huwa testment tal-kuraġġ kbir tan-nisa survivors u tad-determinazzjoni tagħhom biex jegħelbu xkiel kbar fis-sistemi, sabiex jassiguraw id-dritt tagħhom ta’ ħajja dinjituża bla moħqrija u vjolenza.

​

Phoenix Rising

€12.22
The is a distinctive book about the journey of surviving domestic violence, as told by survivors themselves.
This book, whose publication is funded by the President’s Award for Creativity managed jointly with with Arts Council Malta, marks the end of a broader project called My Survival, My Experience.
The nine (9) chapters in the book immerse readers in the turbulent world of violence, manipulation, desperation and struggle. It is a showcase of the incredible courage of survivors and their undying determination to overcome systemic obstacles and so as to live a life of dignity, free of violence.
The chapters include five (5) papers from qualitative insider-research involving 22 in-depth interviews and 15 focus group meetings. The papers explore the collective experience of surviving domestic violence and discuss common themes such as experiences at the police station, experiences at the Courts of law, becoming homeless, the effects of financial violence, mediation and separation. The final chapter includes the policy recommendations that emerged from the SOAR National Conference held last December.
The bright illustrations throughout the book are entirely the product of survivors who willingly and enthusiastically shared their Art Therapy paintings as a medium for activism.

​Receipt and book will be mailed once payment is processed.

Price include shipping fee to Malta and Gozo.  For overseas shipment options please contact us on sjafngo@gmail.com
​
Shop

Bdoti fil-Maltemp

€5.82
Receipt and book will be mailed once payment is processed.

Price include shipping fee to Malta and Gozo.  For overseas shipment options please contact us on sjafngo@gmail.com
​
Shop
Dan il-ktieb hu frott ta’ ħidma mill-qrib ma’ mijiet ta’ qraba-carers li ġejna f’kuntatt magħhom fil-ħidma ta’ kuljum tagħna. Qraba-carers huma dawk il-membri tal-familja li jerfgħu r-responsabiltà kbira li jikkuraw qarib għażiż marid b’mard mentali b’għożża bla ma jfittxu ħlas u unuri. Jieħdu ħsieb qaribhom marid b’paċenzja, b’umiltà, b’imħabba, b’sens ta’ dover u b’ħafna sagrifiċċji. Jagħmlu minn kollox biex jagħtu lil qaribhom ankra fis-soċjetà.

Ta’ spiss huma l-uniċi ħbieb li jibqagħlu l-qarib marid meta kulħadd ikun warrab minn ħajtu. Il-qraba huma dawk li meta jsibu ruħhom fi dlam ċappa, ma joqogħdux jisħtu d-dlam imma jixegħlu torċ. Huma dawk li mil-lumi jagħmlu l-luminata. Għalkemm jistħoqqilhom kull unur, għad hawn min iqis li huma l-kaġun tal-marda. Billi l-kura tal-mard mentali qed tingħata fil-komunità, u billi l-familja qed terfa’ l-piż tal-kura fi ħdanha stess, ħassejna l-bżonn li nkomplu noffru tagħrif li jgħin lill-qraba jitgħallmu aktar dwar kif jieħdu ħsieb qaribhom marid b’mard mentali.

Dan huwa t-tieni ktieb maħruġ bi sħab bejn is-St Jeanne Antide Foundation u l-Mental Health Association, żewġ għaqdiet li jaħdmu id f’id sabiex ikomplu jgħinu lill-qraba jkomplu jerfgħu r-responsabiltà kbira li qed jerfgħu b’inqas tbatija u b’aktar għerf. Iddeċidejna li f’kull kapitlu nittrattaw marda mentali differenti u nagħtu suġġerimenti prattiċi fuq kif jistgħu jkomplu joffru mħabba u kura bla ma jaqtgħu qalbhom u bla ma jitfarrku u jieqfu għax ikunu qatgħu qalbhom. Għażilna li niffukaw fuq il-mard mentali li l-aktar li niltaqgħu miegħu fix-xogħol tagħna fil-komunità.

Dan il-ktieb jista’ jkun utli wkoll għal dawk kollha li jafu lil xi ħadd li jbati minn mard mentali - jew kollegi fuq il-post tax-xogħol, jew ġirien jew xi ħbieb. Jista’ jinteressa wkoll lil professjonisti f’oqsma tas-social work, tal-psikoloġija, tall-counselling, tal-liġi, tan-nursing, u tal-mediċina u lil kill min qed jistudja u jinteressah il-qasam tas-saħħa mentali. Huwa faċli ħafna li kull wieħed minna jiltaqa’ ma’ persuni li jbatu minn mard mentali. Fil-fatt, il-World Health Organisation (WHO) tgħid li l-mard mentali hu aktar komuni mill-kanċer, mill-mard tal-qalb u mid-dijabete f’daqqa.

Il-bdoti jafu jidderieġu. Fil-maltemp, għandhom ħafna mezzi ta’ kif jiksbu għajnuna ħalli jsalpaw b’mod li jaslu qawwijin u sħaħ. Il-qraba li jieħdu ħsieb membru għażiż ta’ familthom b’mard mentali wkoll għandhom bżonn jilqgħu ruħhom għall-maltemp. B’din l-għodda, jeħfief it-toqol għax tgħinhom jagħmlu dak li qed jagħmlu b’imħabba u fejda waqt li jibqgħu b’saħħithom.






​Din hi storja għaż-żgħażagħ dwar il-vjolenza domestika mill-perspettiva ta' l-istess tifla fl-età ta' 6, 9, 12 u 15-il sena. Inkiteb mil-Kordinatur tas-Servizz SOAR tal-Fondazzjoni li joffri advocacy u għajnuna lill-nisa li ġarrbu l-vjolenza fir-relazzjonijiet tagħhom. Dan il-ktieb se jintuża waqt workshops li ma' żgħażagħ f'kuntesti differenti.

Caterpillar In a Jar

€3.42
Receipt and book will be mailed once payment is processed.

Price include shipping fee to Malta and Gozo.  For overseas shipment options please contact us on sjafngo@gmail.com
​
Shop

Il-Mela Darba Tieghi

€3.62
Receipt and book will be mailed once payment is processed.

Price include shipping fee to Malta and Gozo.  For overseas shipment options please contact us on sjafngo@gmail.com
​
Shop



​ 

​Ġrajjiet veri tagħna t-tfal - miktub u illustrat minn tfal li naħdmu magħhom u mal-familji tagħhom. Hemm illustrazzjonijiet ukoll ta' Marisa Attard. Il-kitbiet ta’ disa’ tifla u tifel jittrattaw sitwazzjonijiet fil-familja tagħhom bħal: il-fostering, il-vjolenza domestika, is-separazzjoni tal-ġenituri, il-vizzji, ġenitur il-ħabs, mewt ta’ membru tal-familja, mard serju u young caring. Il-ktieb maħsub għall-użu minn tfal, ġenituri, għalliema u professjonisti.




​Il-Kwiekeb fid-Dlam Jixegħlu – vjaġġi ta’ tama mterrqa minn qraba ta’ persuni b’mard mentali. Ippubblikat mill-Mental Health Association u s-St Jeanne Antide Foundation bħala għajnuna prattika għal family caregivers. Għal aktar informazzjoni fuq dan il-ktieb ikklikja fuq l-istampa tal-ktieb.  Edituri: Connie Magro u Nora Macelli

Il-Kwiekeb fid-Dlam Jixeghlu - OUT OF STOCK

€7.22

Receipt and book will be mailed once payment is processed.


Price include shipping fee to Malta and Gozo. For overseas shipment options please contact us on info@antidemalta.org
Shop

Stars Shine Brightly in the Dark





​English-language e-BOOK PUBLICATION of the Mental Health Association and the St Jeanne Antide Foundation STARS SHINE BRIGHTLY IN THE DARK - Download in pdf format.
Book Posters