​​SANTA GIOVANNA ANTIDA
​Mudell għall-mara tal-lum
Nora Macelli
​​
Għalija, il-fundatriċi tal-kongregazzjoni tas-Sorijiet tal-Karità - Santa Giovanna Antida - hija mara formidabbli li seħħilha b'umiltà kbira u b'imħabba bla qies tintelaq fil- Mulej u tħallih jużaha biex iwettaq ħwejjeġ kbar. Kellha ħafna doni u ħaddnet bosta virtujiet. Għaddiet minn bosta esperjenzi diffiċli li setgħu qatgħulha qalbha. Iżda, ta' bniedma li mit-tfulija għarfet tintelaq fil-Mulej, ħalliet l-isfidi kbar jixprunawha lejn  dak li Alla ried minnha.  

---

  Fi tfulitha, Giovanna Antida kienet Young Carer; tfajla li refgħet ir-responsabbiltà li tieħu ħsieb ommha, xipli u marradija. Tgħabbiet bir-responsabbiltà tax-xogħol tad-dar, xogħol fl-għelieqi u l-kummerċ tal-ġlud ta' missierha, tisjir, tindif u ħadet ħsieb ukoll ħutha akbar u iżgħar minnha. Din ir-responsabbiltà bikrija, flimkien mal-fidi kbira f'Alla mrawma fiha minn ommha, għenitha biex timmatura kmieni u tintebaħ li Alla ried jużaha biex tgħin lil ħaddieħor.
 
  Giovanna Antida kienet mara ta' integrità morali kbira. Fejn bosta qassisin fi żmienha ċedew għall-pressa tal-persekuzzjoni fiż-żminijiet tar-Rivoluzzjoni Franċiża u ffirmaw dikjarazzjoni fejn ċaħdu l-fidi, hi żammet sħiħ u maffirmatx. B'konsegwenza ġiet attakkata mis-suldati u kisrulha kustilja. Kellha taħrab minn pajjiżha u saret refuġjata—itterraq eluf ta' kilometri minn pajjiż għall-ieħor— il-Ġermanja, l-Awstrija, l-Isvizzera, mingħajr dokument, mingħajr passaport, bla għeruq, ċittadina tal-ebda pajjiż. Din it- tbatija kbira u realtà ta' refuġjata kompliet sawritha bħala mara ta' prinċipju, qawwa, perseveranza u tama. Bħala refuġjata, ma ndifnitx fid-disprament, iżda ħadet l-opportunità biex tikkura, iddewwi, tisqi, trejjaq, tnaddaf il-ġrieħi u ssalva l-ħajja ta' bosta refuġjati bħalha.

FL-UNDERGROUND RESISTANCE
  Karatteristika oħra qawwija tagħha kienet li ħadmet bla heda fl-underground resistance fi żmien ir-rivoluzzjoni. Hija ħadet ħsieb trejjaq bosta saċerdoti li bħalha ma ċedewx għall-pressa li jiċħdu l-fidi tagħhom; dawn għexu f'għerien u f'boskijiet. Li kieku nqabdet kienet żgur tinqatel mis- suldati. Minkejja l-għassa kbira li kien hemm u l-ispiji kullimkien, Giovanna Antida sostniet fil-ħabi t-tagħlim tat-tfal fi żmien meta t- tagħlim għall-poplu kien limitat għal skejjel liċenzjati mir- rivoluzzjoni.  Giovanna Antida kellha bosta doni oħra li rrendewha mara ta' viżjoni. qawwija, bi prinċipji li saħansitra Ilum għadna qed niddibattu u nippromwovu. Per eżempju, Giovanna Antidafehmet u ħaddnet il-prinċipju tad- diversità. Aċċettat kompletament bla ebda kundizzjoni jew 'imma' u ħabbet lill-ħabsin, lil dawk b'mard li jittieħed, persuni b'diżabilità, nisa tat-triq, orfni jiġġerrew mat-toroq. tal-ibliet, persuni bitwemmin, ilsienurazza differenti minn tagħha, u nies li qed jgħixu f'faqar assolut. Lil dawn kollha ħabbithom u offritilhom għajnuna ħolistika: ikel, ilbies, saqaf, edukazzjoni, trawwim morali u spiritwali, taħriġ, xogħol u opportunità biex huma wkoll jgħinu lil ħaddieħor.

​  Kienet persuna li ġarrbet t-telfa tal-għeżież tagħha; oħtha ż-żgħira mietetfiċkunithau l-familjakollha ħasset sew it-telfa tagħha. Aktar m'għadda ż-żmien aktar ma ġarrbet telfiet: tilfet-lil ommha meta kellha 16-il sena. Wara li telqet minn darha biex issir soru qatt aktar ma ltaqgħet ma' missierha li tant kienet tħobb u tirrispetta.  Giovanna Antida apprezzat ħafna l-importanza tal-litteriżmu u edukazzjoni aktar wiesgħa u għamlet minn kollox. biex tgħallem lilha nnifisha ħalli tkun taf tesprimi ruħha bil-kitba. Iz- zija tagħha, oħt missierha, ikkonvinċiet lil ħuha li Giovanna Antida ma kellhiex bżonn titgħallem ħafna skola għaliex bħala tifla ma kellhiex bżonn ta' skola għall-ħajja. Minħabba f'hekk ommha u missierha ħarġuha kmieni mill-iskola u dan kien nuqqas li baqgħet tipprova taħkem snin wara li saretsoru. Fil- fatt, makenitx tinqala ħafna għall- kitba. Kien probabbli dan l- apprezzament tagħha li wrieha l- valur li tgħallem lill-foqra li qajla kellhomopportunità ta' tagħlim fi żminijietha. Tul ħajjitha, kifukoll tul s-snin tal-ħidma tal-Ordni li bdiet f'bosta kontinenti u pajjiżi mad-dinja kollha, is-Sorijiet tal- Karità infilsaw it-tagħlim f'kull servizzjibdew. Tantlijekk wieħed jifli sew l-artikli fil-magażin internazzjonali ,tal- Kongregazzjoni — Partout dans le Monde (kullimkien madwar id- dinja) wieħed jintebaħ li l- edukazzjoni tal-foqra hija biss element wieħed fil-firxa tas- servizzi u l-inizjattivi tas-Sorijiet tal-Karità.

INNOVATRIĊI
  Fuq ħafna livelli, Giovanna Antida kienet innovatriċi għal żmienha. Fejn tidħol l- edukazzjoni, hija żviluppat il-kunċetttal-edukazzjoni ħolistika. F'dak kollu li kienet tagħmel kienet teduka, trawwem l- iżvilupp ta' valuri u moralità, tikkurau tfejjaq, trejjaq, trawwem fehma tan-nutriment u iġjene, tħarreġ u toħloq xogħol li jagħti dinjità lill-persuna u flus għall- familja. Kull fejn marret biex. tibda xi servizz ġdid b'risq il- foqra, marret b'moħħ miftuħ u bla preġudizzju. Kważi mitejn sena ilu, Giovanna Antida diġà pprattikat il-prinċipji ta' communitv work. Dan għamlitu billi ppruvat tifhem sew il- kundizzjonijiet soċjali u l-ħtiġijiet tan-nies tal-madwar sabiex kull inizjattiva li tibda tkun imsejsa fuq ħtiġijiet reali flok fuq dak li hi taħseb li l-foqra għandhom bżonn.

  Fuq kollox, ma speċjalizzatx f'qasam wieħed imma daħlet b'ruħha u ġisimha għal ħidma f'kull settur, skont il-ħtiġijiet li ntebħet bihom — saħħa, saħħa mentali, ġustizzja kriminali, edukazzjoni, xogħol, il-qasam soċjali u spiritwalità. Fil-fatt, is-Sorijiet tal-Karità ta' Santa Giovanna Antida speċjalizzaw f'kull qasam li għalih ġew imsejħa għax kien hemm bżonn — tħarrġu u ħadmu fl-oqsma tan-nursing (ħafna sorijiet f'pajjiżna kienu Nursing Officers), edukazzjoni (għalliema), social workers(fi djar tat-tfal, fil-komunità, fi djar tal- anzjani), servizz f'ħabsijiet, sptarijiet mentali, sptarijiet ġenerali, kliniki rurali, taħriġ għax- xogħol u bosta oqsma u kuntesti oħra.  Fuq kollox nammira lil Giovanna Antida għall-umiltà profonda tagħha: minkejja li nħaqret, gidbukontriehau ngħatat bis-sieq minn persuni f'pożizzjoni ta' saħħa u poter, hija ma daritx kontriehom iżda talbetfuq li talbet u, fejn setgħet u fejn kien xieraq, spjegat il-fatti bla emozzjonijiet. Kienet umli imma mhux tapit. Irrispettat lill-awtorità. U rawmet ġenerazzjoni ta' sorijiet li ħaddnu u kattru l-missjoni li għaliha Giovanna Antida ħassitha msejħa. Fis-sempliċità imma bil-qawwa spiritwali interjuri: tagħha, Giovanna Antida seħħilha tegħleb il-'jien' iż-żgħir tagħha u sabet lilha nfisha sewwasew għax għarfet tagħmel dan. Matul ħajjitha sal-lum, baqgħet xhieda ħajja ta' kif aħna Ikoll għandna u nistgħu niżvujtaw ruħna billi ninfetħu għar-rieda tal-Mulej- it-triq li permezz tagħha biss nistgħu nitqaddsu u nsiru flawt vojt li minnu l-Mulej isaffar il-melodija tiegħu.